Pedagogu afgan i gris diplomat në TV, revoltë kundër talibanëve që ndaluan arsimimin e femrave

Një profesor i Kabulit i grisi diplomat e tij drejtpërdrejt në televizion në Afganistan në shenjë proteste ndaj ndalimit të arsimimit të femrave nga talebanët.

Profesori, i quajtur Ismail Mashal, është themelues i Universitetit privat Mashal në Kabul dhe gjithashtu një pedagog në Universitetin e Kabulit.

Me lot në sy dhe zërin që i dridhej, ai  i grisi diplomat gjatë një paraqitjeje për televizionin Tolo Neës të vendit të tij të të hënën.

“Nga sot nuk më duhen më këto diploma sepse ky vend nuk është më vend për arsimim. Nëse motra ime dhe nëna ime nuk mund të studiojnë, atëherë as unë nuk e pranoj këtë arsim”, tha ai.

Ai shtoi se diplomat ishin për diplomat e shumta master dhe doktoraturë dhe se ato ishin origjinale.

Videoja e paraqitjes së tij që atëherë është bërë virale, duke përfshirë edhe komentin nga Shabnam Nasimi, ish-këshilltarja e politikave të Ministrit për Zhvendosjen Afgane dhe Ministrit për Refugjatët, me qendër në Mbretërinë e Bashkuar.

“Skena befasuese kur një profesor universiteti në Kabul shkatërron diplomat e tij në TV live në Afganistan”, shkroi Nasimi në Tëitter, krahas klipit.

Talebanët njoftuan më 20 dhjetor se arsimi universitar për të gjitha studentet femra ishte pezulluar. Kjo vjen pas ndalimit të qeverisë për vajzat nga ndjekja e shkollës së mesme në mars të këtij viti.

Ajo vjen gjithashtu pas shumë kufizimeve të tjera të vendosura mbi liritë e grave, duke përfshirë aksesin e tyre në hapësirat publike. Në nëntor, gratë u ndaluan për të hyrë në të gjitha parqet në Kabul. Në të njëjtin muaj, një zyrtar taleban në Kabul njoftoi se gratë do të ndalohen të përdorin palestrat në të gjithë vendin.

Grave u kërkohet gjithashtu të mbajnë mbulesën e fytyrës dhe të vishen në mënyrë modeste në publik sipas rregullave talebane.

Afghanistan lecturer, Ismail Mashal has ripped up his educational certificates on live television to protest the ban imposed on education for women pic.twitter.com/PKN8bsUpyz

— Naija (@Naija_PR) December 29, 2022