Një raketë ukrainase S-300 rrëzohet në Bjellorusi
Sistemi i mbrojtjes ajrore të Bjellorusisë ishte ai që rrëzoi raketën ukrainase S-300, e cila ra në rajonin e Brest, njoftoi Ministria e Mbrojtjes e Minskut në Telegram.
“Objektivi ajror u godit rreth orës 10:00 me orën e Moskës, ndërsa fragmentet e tij u gjetën në një fushë pranë fshatit Gorbaka, në rajonin e Brest-it ”, tha ministria.
Kontrolli i ekipit të ekspertëve tregoi se fragmentet i përkisnin një rakete të drejtuar kundërajrore të lëshuar nga territori i Ukrainës.
Ministria e Mbrojtjes e Bjellorusisë u zotua të japë detaje të asaj që ndodhi në të ardhmen e afërt.
Presidenti i Bjellorusisë, Alexander Lukashenko , u informua menjëherë për atë që ndodhi dhe me urdhër të tij u formua një ekip ekspertësh nga punonjësit e Komitetit Hetimor të Ministrisë së Mbrojtjes të vendit për të zbuluar shkaqet e incidentit.
Nuk pati raportime për viktima.