‘Spastrime në SHISH, ish-sigurimsit bëjnë ligjin’- Berisha publikon mesazhin e oficerit
Kryetari i Partisë Demokratike, Sali Berisha, ka publikuar sot mesazhin denoncues të një oficeri të Shërbimit Informativ Shqiptar, i cili ka hedhur dritë mbi prapaskenat që janë luajtur për largimin nga detyra të kreut të këtij institucioni, Helidon Bendos.
“Oficeri dixhital i SHISH informon: spastrime në SHISH, ish-sigurimsit bëjnë ligjin,” – shkruan Berisha në Fb dhe vazhdon: - “Kashani, një militant i verbër është shkolluar me fonde të dyshimta në Turqi. Ai po e shndërron SHISH në një organizatë politike. Për më shumë hollësi lexoni mesazhin e oficerit dixhital.”
Mesazhi i ardhur kreut të PD-së:
“Përshëndetje Doktor! Po ju informoj për zhvillimet e pashembullta gjatë kësaj jave në SHISH.
Helidoni, para rreth një jave, u kthye nga Amerika në SHISH, në zyrën e tij, duke besuar se ishte Drejtori i SHISH.
Zëvendësi i tij vajti tek Rama për t’u ankuar dhe të premten e kaluar, në prani të Këshilltares për Sigurinë të kryeministrit, Vlora Hysenit, Helidoni u përzu nga badigardë të saj me forcë nga zyra e tij dhe më pas u detyrua po me forcë të bëjë një delegim njëjavor për zëvendësin e tij që të ushtronte kompetencat e drejtorit për 1 javë deri sot.
Sot, Helidoni e delegoi Zv/drejtorin të ushtrojë kompetencat e Drejtorit deri më datë 10.6.2023. Dhe, po sot jep dorëheqjen?!
Para rreth 1 muaji, Zv/drejtori shkarkoi nga detyra Shefin e Kabinetit të Drejtorit të SHISH. Një natë para kthimit të Helidonit nga Amerika, u shkarkuan drejtues kryesorë në SHISH, që njiheshin si krahu i Helidonit, që u ulën në detyrë.
Në lëvizjet që janë bërë dhe po bëhen me personelin, Zv/drejtori mbështetet tek punonjës të ish-Sigurimit të Shtetit (S.K, A.K, B.S, A.L….)
Zv/drejtori i SHISH, ekstremist politik që vjen nga Kryeministria, i trajnuar në Turqi me fonde të dyshimta. Pjesëmarrja e vet zv/drejtorit të SHISH dhe nxjerrja e SHISH në një organizim politik, mitingu i PD, domethënë që SHISH i përdorur politikisht.
Çdo veprim i bërë, qoftë dhe emërimi i zv/drejtorit të SHISH, është bërë në kundërshtim me qëndrimet e partnerëve strategjikë dhe NATO. Kjo dëmton rëndë besueshmërinë e SHISH tek partnerët strategjikë dhe aleatët evropianë të NATO.”