E marrtë djalli: Lionel Messi siç nuk e keni parë kurrë më parë - FOTO

Shëtisni nëpër tregjet e Krishtlindjeve në Katalonjë dhe do të përfundoni duke hasur në një "Caganer" - një figurinë e zhveshur me të pasmet jashtë që jashtëqit dhe me kapuç të kuq tradicional katalanas.

Figurina vjen në një numër formash dhe madhësish dhe vihet krahas skenave tradicionale të lindjes së Krishtit.

Skulptura e vogël e Caganer (në gjuhën katalanase - ai që po jashtëqit) përshkruan tradicionalisht një fshatar të përkulur që ka ulur pantallonat dhe ka zbuluar të pasmet. Në Krishtlindje, figurat në miniaturë vendosen përkrah Marisë, Jozefit dhe foshnjës Jezus.

Këtë vit, tradita e çuditshme e Krishtlindjeve ka futur në kthetra, kampionin e botës Lionel Messi me pantallona të ulura.

Është një fabrikë katalanase që prodhon figura qeramike “Caganer” për skenat e lindjes së Krishtit.

Kohët e fundit, figurinat e tyre kanë sjellë imazhin e të gjitha llojeve të personazheve të famshëm të gjallë dhe të vdekur, të trilluar dhe realë: Papa Françesku, Obi-Ëan Kenobi, Barack Obama, Michael Jackson dhe madje edhe Vladimir Putin.

Për vitin 2022, lista përfshin disa versione speciale të Messi të veshur me fanellat e Barçës, PSG-së dhe Argjentinës.

Më fal, po pse është duke jashtëqitur?

Feçet dhe jashtëqitja janë të zakonshme në folklorin katalanas, duke përfshirë frazën popullore katalanase që zakonisht thuhet para një vakti: "Menja bé, caga fort i no tinguis por a la mort!", që përkthehet si "Hani mirë, dhi...ni fort dhe mos kini frikë nga vdekja!”.

Sa i përket origjinës së “Caganer”, nuk dihet mirë - por besohet se daton në shekullin e 18-të.