Porti/ Kurti e Kovaçevski refuzojnë Ramën, kryeministri: Kishin punë
Kur u mblodhën dy kuvendet e Shqipërisë dhe Kosovës, kryeministri Edi Rama e ftoi homologun kosovar të vinte në Shqipëri pasi do prezantonte projektin e portit të ri. Por Albin Kurti nuk reagoi ndaj asaj ftese.
Sot, në ditën kur po prezantohet projekti për portin e ri, Kurti dhe kryeministri maqedonas, Dimitar Kovaçevski, zgjodhën të mos jenë të pranishëm në ceremoni.
Në fjalën e tij, Rama tha se e kuptonte se pse nuk ishin aty, pasi kishin angazhime.
“Së pari dëshiroj të përshëndes kryeministrin Kurti dhe kryeministrin Kovaçevski. Të dy e patën të pamundur të ishin sot këtu për arsye angazhimesh. Në rastin e kryeministrit të Kosovës e merrni vetë me mend që pamundësia është e lidhur me situatën e krijuar së fundmi në veriun e Kosovës. Situatë në të cilën qeveria e republikës së Kosovës dhe Republika e Kosovës kanë të gjithë solidaritetin, mirëkuptimin dhe mbështetjen e qeverisë tonë dhe Republikës së Shqipërisë”, tha Rama.