Përmbyten 65 ha në Qarkun Lezhë, disa hidrovorë në pikën kritike nga reshjet e shiut
Dhjetera hektare toke jane permbytur gjate nates ne Lezhe.
Në territorin e Qarkut të Lezhës gjatë mbrëmjes deri sot në këtë orë kemi patur rreth 60 mm reshje (Lezha 75 mm)
Në Bashkinë Lezhë
Në Njësitë administrative Blinisht dhe Dajç nuk raportohen problem permbytje, por kemi nderprerje te furnizimit me energji.
Në Njësinë Administrative Zejmen në këto momente është rritur shumë dendësia e rreshjeve. Në Fushën e Treshit deri në këto momente janë të përmbytura rreth 50 ha. Në Spiten rreth 15 ha.
Jemi në zonë dhe po ndjekim situaten bashkë me drejtorin e bordit kullimit pasi gjithshka lidhet me kapacitetin e punës së hidrovorit Tale.
Në Njësinë Administrative Balldren deri tani raportohen rreth 200 ha tokë të përmbytur në njësinë administrative Balldren, ish Këneta e Torovicës. Strukturat e MC së bashkisë janë në terren, duke ndjekur situatën.
Grupet e punës së OSHE janë në terren për riparimin e difekteve.
Në Bashkinë Mirditë
Pas komunikimit me kryetarët e Njësisë Administrative në Bashkinë Mirditë nuk raportohen probleme.
Ka ndërprerje të energjisë elektrike në Perlat.
Jemi njoftuar në celular për hapjen e digës në Qafmolle, pasi niveli ujit në rezervuar ka arritur në nivele kritike, por pa krijuar problem deri tani. Strukturat e MC së bashkisë janë në terren, duke ndjekur situatën.
Në këtë bashki kemi problem përsa i përket ‘Rrugës së Kombit’, ku ka rrëshqitje dherash dhe gurësh gati gjatë gjithë gjatesisë, por me problematike është në zonën e Repsit.
Në bashkinë Kurbin.
Gjatë gjithë mbrëmjes së djeshme, dhe në këto momente që flasim, rreshjet e shiut vijojne të bien me intesitet të lartë, në gjithë territorin e Bashkisë Kurbin. Sipas verifikimeve, kemi një rritje të prurjeve në gjithë përrenjte dhe kanalet kulluese, të cilat në rast se rreshjet vijojnë me këtë intesitet, mund të dalin nga shtrati. Kemi marrë njoftime për prezencë uji në Lagjen Sanxhak. Strukturat e MC së bashkisë janë në terren, duke ndjekur situatën.
Hidrovorët janë në gadishmëri dhe po punojnë me kapacitet të plotë. Në kuotën kritike janë Hidrovori i Tales, Balldrenit, Drojës dhe Shllinzave.
Kemi rritje të prurjeve të lumenjëve. Kuota e lumit Drin është 1.6 m, nga 2.0 m që është kuota kritike