'Zero rezultate'/ Llabani: Pse Basha kërkoi zgjatjen e mandatit për kreun e SPAK, Arben Kraja?
Gazetarja Anduena Llabani deklaroi në emisionin 'Task Force' me Sonila Meçon në Syri Tv se SPAK duhet të godiste zyrtarët e nivelit të lartë të përfshirë në korrupsion ndërsa shtoi se partnerët nuk janë të kënaqur me arritjet e këtij institucioni.
Sipas Anduena Llabanit, dënimet që ka dhënë SPAK janë minimale, teksa përmendi ish-ministrin e brendshëm, Saimir Tahiri. Gazetarja ngriti pyetjen se përse Lulzim Basha kërkoi zgjatjen e mandatit të kreut të SPAK, Arben Kraja.
"A ka gjuajtje të politikës për të patur kreun e SPAK në dorë? Drejtuesi i SPAK, ka qenë opozita e mëparshme që mori një iniciativë për të zgjatur mandatin e kreut të SPAK.
Pse u kërkua nga Basha që kreu aktual i SPAK të vazhdonte të mbante mandatin për disa vite të tjera. Janë duke u bërë ndryshime që duket se do pasojë kreun e ri që do vijë. Kjo e mbajti peng Arben Krajën për të vazhduar stafetën.
SPAK mbyll një mandat 3-vjecar, me rezultatet dhe pritshmëritë që ka patur dhe nga pertnerët, janë shumë pak të kënaqur për arritjet e tij.
Dënim minimal ndaj ish-ministrit të Brendshëm, me shumë presione kemi një SPAK që përplaset te Gjykata e Lartë për të marrë Tahirin për akuzat që pretendonte."-tha Llabani.