Stoltenberg telefonon Borrell për Kosovën: Jam i zhgënjyer, të shmangen përshkallëzimet
Sekretari i përgjithshëm i NATO-s, Jens Stoltenberg, ka reaguar pasi nuk është arritur marrëveshja në Bruksel për targat mes Kosovës dhe Serbisë, duke thënë se “përshkallëzimi duhet të shmanget”.
Ai ka treguar se ka folur me Shefin për Politikë të Jashtme dhe Siguri, Josep Borrell dhe është shumë i zhgënyer që nuk është arritur zgjidhje. Ka kërkuar zgjidhje pragmatike në këtë çështje, duke shtuar se NATO dhe KFOR-i janë vigjilent.
"Fola me Josep Borrell. Jemi të zhgënjyer që nuk ishte e mundur të zgjidhej mosmarrëveshja e targave. Tani është koha për përgjegjësi dhe zgjidhje pragmatike. Përshkallëzimi duhet të shmanget. NATO e KFOR mbeten vigjilent”, ka shkruar ai në Twitter.
Kujtojmë se gjatë gjithë ditës ka pasur diskutime në Bruksel për çështjen, por pa rezultate.