FOTO/ Largohet Gazidis, Milani zyrtarizon drejtorin e ri të klubit
Milani njoftoi se Ivan Gazidis do të largohet nga posti i drejtorit të përgjithshëm të klubit më 5 dhjetor, pasi në këtë datë kontrata e tij do të përfundojë.
Pas largimit të Gazidis, këtë post do ta marrë Giorgio Furlani.
Që nga viti 2018, Giorgio Furlani ka qenë në bordin e drejtorëve të Milanit.
“Të drejtosh një klub që po hyn në fazën tjetër të rilindjes është një nder i madh për mua. Mezi pres të punoj me Paolo Scaronin, Paolo Maldini, Stefano Pioli dhe drejtuesit e tjerë të klubit”, tha Furlani.
Vlen të kujtojmë se Ivan Gazidis ishte drejtor i përgjithshëm i Milanit për katër vjet.