U dëmtua në kampionat/ A rrezikon Alphonso Davies të mos jetë në Katar 2022?
Lajm i keq për Bayern Munichun, por "lajm i mirë" për skuadrën kanadeze në prag të Kupës së Botës në Katar, që nis pas dy javësh. Skuadra bavareze do të duhet të bëjë pa Alphonso Davies, pas dëmtimit në muskul, për dy ndeshjet e ardhshme të Bundesliga-s që kanë mbetur, para nisjes së Botërorir, ndaj Werder Bremen (e martë) dhe Schalke 04 (e shtunë).
22-vjeçari pësoi një dëmtim muskulor në kofshën e tij të djathtë, në ndeshjen në transfertë kundër Hertha Berlin të shtunën pasdite, që u mbyll me rezultatin 2-3.
Ky ishte rezultati i ekzaminimeve të kryera nga departamenti mjekësor i Bayern. Pjesëmarrja e kanadezit në Botërorin e Katarit “nuk është në rrezik”, bëjnë me dije kampionët në fuqi të Gjermanisë.