A do të jetë me Noizy-n bashkëpunimi i radhës së Rozana Radit?
Këngëtarja e njohur, Rozana Radi ka qenë së fundmi e ftuar në “Goca dhe Gra”. Ajo ndër të tjera ka folur për jetën e saj private por edhe atë profesionale. Rozana ka pranuar se është në një lidhje dashurie prej 10 vitesh.
Jo vetëm kaq por ajo zbuloi se shumë shpejt do të vijë me një këngë të re. Më tej, ajo zbuloi edhe se do të bëjë një bashkëpunim me një reper. Por kush është ai?
“Unë kam hequr dorë nga koncertet ka kohë, këndoj vetëm nëpër festivale. Unë jam duke punuar tani për një projekt muzikor. Unë do të bëj një këngë tjetër ritmike me një reper, por me atë do ta mbyll karrierën e këngëve ritmike”.
Mos vallë ai është Noizy? Mbetet për t’u parë.
Gjithashtu, Rozana ndër të tjera zbuloi edhe dicka për partnerin e saj. Ajo tha se ai nuk merret aspak me botën e televizionit dhe ka dëshirë që mos të bëhet publik.
“Në një emision thashë “jam shumë e lumtur se jam ndarë më të dashurin”, ku pjesë ishte satira përveç investigimit. Pas emisionit do të shkoja në plazh me të dashurin, dhe nisën gazetat “u rilidh Rozana”. Na futën me të vërtetë në sherr, se ai më thoshte pse e ke thënë ti. Ne nuk ishim në sherr por na futën me të vërtetë në sherr. Unë jam mirë, në një marrëdhënie disavjeçare, kam dhjetë vite me të njëjtin shkëlqim. Me thënë të drejtën personi të cilin kam zgjedhur të kem në krah, nuk merret fare me fushën e spektakleve dhe nuk preferon të bëhet publik e ta shohin.”– tregoi Rozana.