Mashtrim dhe vjedhje të mijëra eurove me bursa fiktive: Zbulohen emrat e 3 shqiptarëve të arrestuar
Policia italiane në bashkëpunim me Policinë Shqiptare dhe SPAK i dha fund një hetimi kompleks, që ka çuar në tre arrestime dhe pesë kontrolle në Shqipëri në kuadrin e operacionit "Dream Earnings", i cili godet mashtrimin kibernetik.
Elisa Caci, Valbona Abedinaj, Gilberdo Pushani janë 3 personat e arrestuar për mashtrimin përmes bursave: Të sipërpërmendurit ranë në prangat e policisë, pas një operacioni të përbashkët të Policisë italiane me Strukturën e Posaçme (SPAK), në fushën e mashtrimeve me kriptovalutë përmes bursës fiktive online.
Nga hetimet rezultoi se të tre personat mashtronin qytetarë nëpërmjet bursave në vende të ndryshme anëtare të BE-së, përfshirë Qipron, Lituaninë, Estoninë, Holandën dhe Gjermaninë, dhe shndërrimin e tyre në kripto-valuta.
Në rrjedhën e më shumë se 42,000 përgjimeve telefonike të kryera nga hetuesit italianë, u zbulua se sa të aftë ishin mashtruesit në përdorimin e teknikave reale të bindjes dhe plagjiaturës, deri në atë pikë sa i bindnin viktimat të merrnin borxhe dhe të paguanin me kalimin e kohës disa qindra mijëra euro.
Nga hetimet telematike u zbuluan rreth 90 mijë kontakte telefonike të shtetasve italianë, për përdorim të operatorëve call center.
Si rezultat i aktivitetit, në Tiranë u sekuestruan dy call center dhe 60 kompjutera.
Në të njëjtën kohë, në Itali u sekuestrua edhe serveri i përdorur nga organizata për të mbuluar gjurmët e saj kompjuterike dhe për të penguar hetimet.