Tragjedi në SHBA, 10-vjeçari vret me armë vëllanë e tij 8 vjeç
Një djalë 8-vjeçar nga Venezuela u vra pasi u qëllua aksidentalisht nga vëllai i tij 10-vjeçar, ndërsa ata ishin vetëm në shtëpinë e tyre në Hjuston, SHBA.
Fëmija, familja e të cilit ishte shpërngulur nga Venezuela vetëm disa muaj më parë, ishte duke luajtur me vëllain e tij të madh në dhomën e vetme të gjumit të shtëpisë kur arma u shkrep, duke e plagosur për vdekje në gjoks.
Sipas Daily Mail, vëllai 13-vjeçar i djemve ishte gjithashtu brenda banesës në momentin e të shtënave, por ishte i padëmtuar dhe thirri 911.
“Këto situata janë të parandalueshme. Fëmijët nuk duhet të kenë kurrë akses në armë. Çdo gjë mund të ndodhë”, tha sherifi i qarkut Harris Ed Gonzalez.
Autoritetet po hetojnë se kush e zotëron armën e gjahut dhe nëse ajo ishte e mbushur nga njëri prej vëllezërve. Sherifi konfirmoi se ka të ngjarë të ngrihen akuza kundër prindërve.
Sipas ABC13.com, djemtë nuk ishin regjistruar në shkollë që kur u transferuan në perëndim të Houston nga Venezuela disa muaj më parë.
“Si prind, askush nuk duhet ta kalojë këtë. Është e tmerrshme që kjo të ndodhë çdo ditë. Diçka duhet bërë. Është jashtë kontrollit”, tha një fqinj i familjes.
Texas boy, 8, killed after brother accidentally shoots him while home alone with third young sibling https://t.co/E7Fmql97BP
— Daily Mail US (@DailyMail) October 25, 2022