VIDEO/ Brenda godinës së ngrirjes në SHBA, ku 199 njerëz 'ligjërisht të vdekur' presin të ringjallen
Në murin plot me portrete pacientësh është Matheryn Naovaratpong nga Tajlanda, e cila humbi jetën në moshë të vogël.
"Ajo është pacientja jonë më e re, as tre vjeçe... e cila kishte kancer në tru. Të dy prindërit e saj ishin mjekë dhe ajo bëri shumë operacione në tru e asgjë nuk funksionoi, për fat të keq," tha Max More, President emeritus i godinës së ngrirjes “Alcor Life Extension Foundation” në Arizona, Shtetet e Bashkuara.
Sipas More, në ndërtesë gjenden aktualisht 199 njerëz dhe pothuajse 100 kafshë shtëpiake brenda tankeve të mbushura me azot të lëngshëm, me shpresën për t'i ringjallur kur teknologjia të ketë avancuar mjaftueshëm për t'i trajtuar ato.
Ai thotë se pacientët janë "të vdekur vetëm ligjërisht", por jo biologjikisht dhe beson se krionika mund të jetë shpëtimtarja e tyre.
Procesi është shumë më i ndërlikuar sesa thjesht ngrirja dhe shkrirja.
Pasi pacienti të jetë shpallur ligjërisht i vdekur, trupi do të laget në një banjë akulli.
Gjatë kësaj procedure, një pajisje mekanike CPR përdoret për të siguruar qarkullimin e gjakut dhe medikamentet për të mbrojtur qelizat nga dëmtimi.
More thotë se kjo e pengon pacientin të kthehet në vetëdije dhe të mpikset gjaku. Ai gjithashtu shton se mbajtja e presionit të gjakut është thelbësore për qëndrueshmërinë, ashtu si në procesin e dhurimit të organeve.
Ai thotë se trupat nuk janë teknikisht të ngrirë, por si qelq.
"Ne nuk duam ta ngrijmë pacientin. Ne duam ta qelqëzojmë atë... Dhe arsyeja është se sapo të ftohet në shumë ftohtë nën zero, tretësira, në vend që të kristalizohet, thjesht do të bëhet gjithnjë e më e trashë dhe është si një bllok qelqi që i mban të gjitha qelizat në vend pa ndonjë strukturë të brendshme dhe kështu nuk dëmton," tha More.
"Dhe sapo të arrijmë atë pikë, rreth minus 110 gradë, trupi bëhet vërtet i fortë dhe absolutisht asgjë nuk ndodh në trup. Nuk ka asnjë aktivitet biokimik, sigurisht asnjë aktivitet neurologjik. Pra, në atë pikë, nuk ka rëndësi nëse ju prit një ditë ose 100 vjet, do të jesh njësoj si kur e nise".
'Fantazi shkencore dhe naive'
Gruaja e More, futuristja dhe shkrimtarja Natasha Vita-More beson se ata që zgjodhën kriop-ruajtjen nuk do të jenë të vetmuar pasi të ringjallen.
"(Ata) me shumë gjasa do të kenë anëtarë të familjes ose miq që janë regjistruar gjithashtu për krionikë… Një person që ka pasur kancer ose ALS ose ndonjë lloj tjetër dëmtimi ose sëmundjeje është ringjallur. Sëmundja ose lëndimi është shëruar ose rregulluar dhe personi është, ka një trup të ri të klonuar ose një protezë të gjithë trupit ose trupi i tij është ringjallur dhe takohet përsëri me miqtë," tha ajo.
Për Dr Arthur Caplan, Drejtor i Divizionit të Etikës Mjekësore dhe profesor i Bioetikës në Shkollën e Mjekësisë Grossman të Universitetit të Nju Jorkut, ideja e krionikës nuk është gjë tjetër veçse “një diskutim brenda kolegjit”.
"Pra, në fund të ditës, unë mendoj se ky nocion i ngrirjes së vetes në të ardhmen është shumë fantashkencë dhe naiv," tha ai.
"Është pothuajse si ajo për të cilën do të mendonit në një diskutim në një konvikt, “nëse do të mund të ngrija veten dhe më pas të shkrija veten si një qese bizele dhe të mbaroja në të ardhmen, a nuk do të ishte më mirë?” Tingëllon mirë, por më pas e kupton se sa shumë ne jemi produkte të kohës sonë”, shtoi Caplan.