Rritja e çmimit të energjisë, Xama: S’ka krizë, po fryjnë arkën e OSHEE! Ja si po abuzohet ndaj qytetarëve...
Gazetarja e ekonomisë, Ola Xama, komentoi për emisionin 'Task Force' në Syri Tv rritjen e çmimit të energjisë elektrike nga qeveria për ata që shpenzojnë mbi 800 kilovat. Xama tha se faktet janë se Shqipëria ka importuar 1/3 e nevojave për konsum të energjisë elektrike.
Gazetarja tha se s’kemi të bëjmë me një krizë energjetike, por me një abuzim pasi po fryhet arka e OSHEE-së e cila s’ka importuar energji.
Sipas Xamës, koston e krizës e ka mbajtur KESH ndërsa shtoi se ka marrë para nga buxheti i shtetit për të blerë energji elektrike.
“Koston e krizës e ka mbajtur KESH që shiti nëj vit më parë energji elektrike. Nga fitimet e një viti më parë ja lanë detyrë të përballonte krizën.
Po ashtu buxheti i shtetit, paratë e taksapaguesve janë dhënë suport për KESH që të blejë energji elektrike.
Çfarë barre krize ka mbajtur OSHEE kur nuk ka importuar asnjë megavat orë me çmimet e shtrenjta të energjisë. Po fryhet arka e OSHEE-së me rritjen e çmimit të energjisë.
Pse rritja e çmimit të energjisë duhet të fryjë arkën e OSHEE-së? KESH ja shet energjinë OSHEE-së me një çmim 2.4 lekë kilovat orë, OSHEE qytetarit me 9.5 lekë.
Sa lekë i duhen OSHEE të bëjë disa investime, tendera e magazina, i duhen kaq, dhe çmimi do rritet kaq.
Nuk është kriza, sepse po të ishte kriza atëherë duhet që çmimi të rritej për KESH-in, ndërkohë do rritet çmimi për konsumatorin.
Nëse i ka dhënë buxheti i shtetit paratë, s’kishte pse të rritje çmimi i energjisë elektrike.”-tha Xama.