Berisha: Nafta ulet në bursë, në Shqipëri çmimi rritet nga bordet komuniste
Kryetari i Partisë Demokratike, Sali Berisha, deklaroi nga foltorja e Kuvendit se çmimi i naftës është ulur në bursë ndërsa shtoi se në Shqipëri çmimi i karburantit rritet nga bordet komuniste.
Sipas Berishës qeveria po kryen vjedhje të tmerrshme me ndërtimet e rrugëve me çmim 8 herë më të lartë se sa standardi europian.
“Vjedhjeve të tmerrshme që bëni me punët publike, duke ndërtuar rrugët me çmim 8 herë më të lartë sesa standardi Europian.
Shko zonjë e kontrollo rrugën Qukës-Qafë Plloçë. Çfarë na ka ndodhur, 17 metra disniveli, nga vjedhja, vjedhja dhe vetëm vjedhja.
Dhe pastaj të marrim nja 15 milionë të tjera nga taksapaguesit dhe ti paguajmë aty. Por kjo nuk është gjë hiç, kjo është thërrime.”-tha Berisha në Kuvend.