Si do të ndikojë shkarkimi i Tuchel tek Armando Broja?
Skuadra e Chelseat shkarkoi sot trajnerin Thomas Tuchel, pas asaj humbjeje të hidhur që pësoi në transfertë me Dinamon e Zagrebit (1-0) në sfidën e parë të grupeve të Champions League.
Tashmë “Blutë” e Londrës do të vihen në lëvizje për të gjetur trajnerin e ri, i cili do të drejtojë ekipin ku bën pjesë edhe sulmuesi i Kombëtares shqiptare, Armando Broja.
Mbetet për t’u parë tashmë nëse kjo lëvizje do të rezultojë për mirë apo për keq për Brojën.
Kujtojmë se trajneri gjerman u bë pengesë për shitjen dhe huazimin e sulmuesit kuqezi, duke thënë gjithmonë se e kishte në planet e tij.
Në ndeshjet e këtij sezoni Tuchel e ka aktivizuar shqiptarin si zëvendësues, ashtu si edhe mbrëmë ndaj Dinamo Zagrebit, teksa me ardhjen e teknikut të ri, pritet të ketë zhvillime të reja për sulmuesin e Kombëtares shqiptare.