Aksident i rëndë në autostradën Milot-Thumanë
Një aksident i rëndë ka ndodhur në orët e para të mëngjesit në autostradën Milot-Thumanë.
Aksidenti ka ndodhur pranë Fushë-Gjormit në Kurbin.
Policia bën të ditur, se drejtuesi i një makine ka humbur kontrollin, duke u përplasur me barrierat anësore.
Ai ka marrë plagë të rënda, dhe është dërguar për mjekim të specializuar në spitalin e Traumës në Tiranë, ku ndodhet në gjendje të rëndë.
Policia po heton shkaqet e aksidentit.