Harta e re/ Debate në komisionin e Reformës Territoriale: Bashkitë përdoren për të punësuar socialistët
Komisioni i Posaçëm i Reformës Territoriale, nisi dëgjesat me përfaqesuesit e shoqërisë civile, në funksion të hartës së re territoriale.
Deputetët e PD, debatuan me përfaqesuesen e institutit për politikat private e publike, duke i kërkuar shifra konkrete për rritjen e punonjësve në bashki, të cilët sipas opzoitës janë përdorur si punësime partiake.
Përfaqësuesit e opozitës ngritën shqetesimin që harta e re territoriale, të mos përdoret për kalkulim votash nga Partia Socialiste.
Një tjetër problem i ngritur nga opozita ishte rritja e numrit të punonjësve në bashki, në vitet e fundit, kur është reduktuar numri i njësive vendore. Ndërsa Albana Dhimitri, Drejtore Ekzekutive në Institutin e Politikave Publike dhe Private deklaroi se nuk duhet të ketë rritje të numrit të bashkive.
Por opinion i përfaqesuesve të shoqërisë civile, u cilësua i papajtueshëm nga opozita e cila i kërkoi shifra ekspertes, gje që solli edhe debate ne komision.
Dëgjesat me përfaqësuesit e shoqërisë civile do vazhdojnë përgjatë javës, ndërsa komisioni i Reformës Territoale do të marrë edhe mendimin e disa kryetareve të bashkive, për hartën e re.