Autokolona ruse 65 kilometra e gjatë po përparon drejt Kievit
Imazhet satelitore kanë treguar një autokolonë ruse 65 kilometra e gjatë që po përparon drejt Kievit, kryeqyteti i Ukrainës sipas kompanisë private amerikane Maxar Technologies.
Sipas kompanisë, autokolona përfshin qindra automjete të blinduara dhe tanke.
Ai shtrihet nga periferia e aeroportit Antonov (rreth 25 km nga qendra e Kievit) në jug deri në periferi të Pribirskut”, tha Maxar.
Aeroporti ka qenë skena e luftimeve të ashpra që nga fillimi i pushtimit, ndërsa ushtria e Vladimir Putin po përpiqet ta marrë nën kontroll këtë infrastrukturë të rëndësishme ushtarake para operacionit për marrjen e kryeqytetit ukrainas.
Në kolonë, siç e kanë regjistruar satelitët, “disa automjete ndonjëherë janë shumë larg njëra-tjetrës”, ndërsa “në pjesët e tjera tanke vendosen në çifte ose treshe pranë njëra-tjetrës”, ka shtuar Maxar.
Sipas dy burimeve të intervistuara dje nga Agjencia Franceze, një diplomat dhe një i afërt me shërbimet e sigurisë, Moska po përgatitet të nisë një sulm të menjëhershëm ndaj Kievit.
Forca kryesore ruse që lëviz drejt kryeqytetit ukrainas "përparoi rreth pesë kilometra" dhe është "rreth 25 km" nga qyteti, është shprehur një zyrtar i Departamentit të Mbrojtjes të SHBA-së.
Convoy update based on analysis of additional imagery provided by @maxar: Troops are at Antonov Airport, meaning military vehicles & equipment are stretched out along 40 miles of road. Important: this image shows homes on fire along the route https://t.co/ypUM31PmId pic.twitter.com/IZWzv4akju
— Christoph Koettl (@ckoettl) March 1, 2022