Gazetari pro –Putin, tërbohet live për humbjet e pronave shumëmilionshe në liqenin e Komos
Gazetari rus, "propagandisti" i Vladimir Putinit, Vladimir Soloviev ,të premten (25 shkurt) përdori emisionin e tij në kanalin shtetëror të lajmeve " Rossiya 1 " për të shprehur zemërimin e tij pasi humbi aksesin në dy prona shumëmilionëshe që zotëron në liqenin e Komos , sipas Daily Mail britanik.
"A është kjo perdja e hekurt?" tha ai gjatë shfaqjes " Mbrëmja me Vladimir Soloviev ".
Duke iu referuar sanksioneve evropiane kundër oligarkëve rusë dhe interesave ruse, zëdhënësi i Putinit nuk e fshehu zemërimin e tij për mënyrën se si lufta po ndikon në cilësinë e jetës së tij.
Gazetari rus u ankua për sanksionet, duke krahasuar trajtimin e rusëve nga vendet e tjera me Luftën e Ftohtë.
"Papritmas, tani ata thonë: " A je rus? 'Do t'i mbyllim llogaritë tuaj bankare, nëse janë në Evropë” .
“Bleva shtëpinë, pagova një shumë të çmendur taksash, bëra gjithçka. Dhe befas dikush merr një vendim që ky gazetar tani është në listën e sanksioneve. Dhe kjo ndikon menjëherë në pasurinë tuaj të paluajtshme. Prit një minutë.Por ju na thatë se Europa ka të drejta të shenjta pronësie! » shprehet ai gjatë emisionit të tij.
Kujtojmë që 22 njerëzit më të pasur në Rusi panë që pasuria e tyre neto të " zhytet " me 39 miliardë dollarë në më pak se 24 orë, pas fillimit të operacionit ushtarak të Moskës në Ukrainë dhe sanksioneve të mëvonshme të vendosura ndaj saj.
Kjo sipas " Indeksit të Miliarderëve" të Bloomberg, i cili tregoi se rënia e pasurisë ishte pasojë e rrëzimit të bursës ruse.