‘Frikacak’/ Ish-ambasadori amerikan: Mbajeni shënim, Vuçiç mbajti anën e Putinit, jo Perëndimit

Ish-ambasadori i SHBA në Kosovë, Philip Kosnett me një shënim në Tëitter, ka shkruar se BE-ja dhe SHBA-ja duhet të mbajë shënim qëndrimin e presidentit serb, Aleksandër Vuçiç në lidhje me sulmin rus në Ukrainë.

Ish-ambasadori në Prishtinë, Kosnett shkruan, se qëndrimi i Vuçiç, duke u fshehur pas kishës dhe popullit, është një qëndrim frikacaku.

‘Pra, duket se presidenti i Serbisë, Vuçiç ka zgjedhur Putinin në vend të Perëndimit - ndërsa pretendon se duart e tij janë të lidhura nga opinioni publik dhe fshihet pas Kishës. Kjo nuk është udhëheqje; është moral frikacaku. BE, SHBA ju lutem mbani shënim’, - shkruan ish-ambasadori i SHBA në Kosovë, Philip Kosnett.

So it seems Serbia’s Vucic has chosen Putin over the West - while claiming his hands are tied by public opinion and hiding behind the Church. That’s not leadership; it’s moral cowardice. EU, U.S. please take note.

— Philip Kosnett (U.S. Ambassador, Ret.) (@PhilKosnett) February 27, 2022