Zelensky bisedë telefonike me Biden: Duam ndihmë ushtarake kundër Rusisë! Ukraina të jetë në NATO

Presidenti i SHBA Joe Biden dhe presidenti ukrainas Volodymyr Zelensky kanë zhivlluar një bisedë telefonike, ku kanë folur për situatën e krijuar në Ukrainë, pas ndërhyrjes ushtarake nga Rusia.

Ka qenë presidenti ukrainas që ndau detaje të bisedës në një postim që ka bërë në rrjetet sociale ku bëri me dije se se të dy diskutuan "forcimin e sanksioneve, ndihmën konkrete të mbrojtjes dhe një koalicion kundër luftës".

“Sapo është diskutuar me forcimin e sanksioneve, ndihmën konkrete të mbrojtjes dhe një koalicion kundër luftës. Faleminderit SHBA për mbështetjen e fortë”- shkruan ai.

Ai kërkon garanci që Ukraina të jetë në NATO. 

"Kush është gati t'i japë Ukrainës një garanci për anëtarësim në NATO? Sinqerisht, të gjithë kanë frikë. Sot pyeta 27 liderë evropianë nëse Ukraina do të jetë në NATO, pyeta drejtpërdrejt. Të gjithë kanë frikë, nuk përgjigjen, por ne nuk kemi frikë”.

Biseda vjen pasi Zelensky, i cili është ende në Kiev, pak më parë tha se Ukraina është e vetme.