Olimpiket Dimërore: Patinatorja ruse Valieva do ta mësojë fatin e saj pas dëgjesës për dopingun
E drejta e patinatores ruse Kamila Valieva për të konkuruar në garën e femrave në Lojërat Olimpike të Pekinit do të vendoset në një seancë urgjente në Gjykatën e Arbitrazhit Sportiv.
Agjencia Ndërkombëtare e Testimit - në emër të IOC - tha të premten se do të kundërshtonte një vendim të agjencisë ruse anti-doping për të lejuar 15-vjeçaren Valieva të bënte patinazh. Agjencia ruse e kishte ndaluar përkohësisht Valievën këtë javë sepse ajo nuk e kaloi një analizë për doping në dhjetor.
Valieva është favoritja e fuqishme në këtë garë, e cila fillon të martën, pasi vendosi rezultatet e rekordeve botërore këtë sezon dhe arriti kërcimin e parë me hedhjen e katërfishtë të femre në një Olimpiadë.
ITA konfirmoi raportet se Valieva doli me substancën e ndaluar trimetazidine në kampionatin kombëtar rus në Shën Petersburg gjashtë javë më parë.
Testi pozitiv u raportua nga një laborator në Suedi vetëm të martën - një ditë pasi Valieva ndihmoi rusët të fitonin garën ekipore dhe vetëm disa orë para ceremonisë së medaljes, e cila më pas u shty. Nëse rusët do të humbasin medaljen e artë në garën ekipore, kjo do të vendoset më vonë.
Trajtimi ligjor i çështjes së Valievës filloi me një ndalim të përkohshëm të menjëhershëm nga Lojërat Olimpike të Pekinit të vendosur nga agjencia ruse, e njohur si RUSADA, e cila mbikëqyr testimet në kampionatet kombëtare.
Të mërkurën, një trupë disiplinore e RUSADA pranoi apelin e saj për ta anuluar ndalimin e përkohshëm të patinatores.
Seanca urgjente në CAS do të shqyrtojë vetëm çështjen e ndalimit të përkohshëm në këto lojëra, tha ITA që po e ndjek penalisht në emër të IOC.
Megjithëse Valieva është në qendër të kësaj çështjeje, si një 15-vjeçare ajo ka mbrojtje në librin e rregullave të sportit – në Kodin Botëror Anti-Doping. Sipas këtyre udhëzimeve, ajo përfundimisht duhettë merrte vetëm një qortim të thjeshtë.
Kur një e mitur implikohet në shkelje të rregullave të dopingut, fokusi i hetimit të detyrueshëm kthehet tek shoqëruesit e saj, si trajnerët dhe mjekët e ekipit.
"Ne kemi një politikë 100% kundër dopingut. Dhe ne do të ndjekim të gjitha rastet e dopingut deri në fund," tha zëdhënësi i IOC Mark Adams.
“Por qartësisht në këtë rast konkret, është një rast aktiv dhe ne presim që të shihet plotësisht deri në fund dhe do të ishte gabim që dikush të bënte ndonjë koment për këtë, në fakt veçanërisht sepse po flasim për një rastin e një të mituri, një personi të mbrojtur. Unë mendoj se njerëzit duhet të jenë pak të kujdesshëm në spekulimet e egra për një çështje të ngritur”.