VIDEO/ Kampi karantinë që Kina po mban sekret, pamjet që tronditën botën

Kina , e cila njihet si 'pika zero e virusit' për faktin se Kovid-19 u pa për herë të parë në Wuhan, është e vendosur të mos heqë dorë nga 'Politika Zero Covid'.

Megjithëse varianti Omicron është në rrugën e tij për t'u bërë specie dominuese, Kina nuk po komprometon politikat e saj strikte të izolimit.

Imazhet e kampeve pandemike të krijuara si pjesë e këtyre politikave janë publikuar në mediat sociale.

Thuhet se Kina po izolon me forcë personat që janë të infektuar ose dyshohet se janë të infektuar në këto kampe.

Sipas medias britanike Daily Mail, gratë shtatzëna, fëmijë dhe të moshuarit besohet të jenë në mesin e atyre që u dërguan në kampet e Xi'an.

Pamjet e shpërndara gjerësisht në internet tregojnë njerëzit në kutitë e vogla të mobiluara me një shtrat prej druri dhe një tualet, ku ata detyrohen të qëndrojnë deri në dy javë.

Ndërsa dëshmitarët okularë thonë se 10 autobusë sollën afër një mijë persona brenda një nate në kamp, ​​mediat sociale reaguan për kushtet e ofruara në kampe.

Në vendin ku ka pasur një rritje serioze të rasteve të Covid-19, qyteti i Xi'an me një popullsi prej 13 milionë banorësh dhe Yuzhou me një popullsi prej 1.1 milionë banorësh u karantinuan dhe kufizimet u shtrënguan muajin e kaluar.

Me vendimin e mbylljes së një qyteti të tretë në Kinë, numri i personave në karantinë në vend ka arritur në 20 milionë.

Që nga fillimi i epidemisë në Kinë janë zbuluar 101 mijë e 890 raste, ndërsa janë raportuar 4 mijë e 636 vdekje.