Zi në futbollin Turk, vdes në një aksident rrugor futbollisti i kombëtares
Futbolli turk është në zi.
Mbrojtësi Ahmet Çalik ka humbur jetën në një aksident rrugor në moshën 27 vjeçare.
Sipas mediave turke futbollisti 27 vjeçar ka humbur kontrollin e makinës së tij në një rrugë provincial në Ankara.
Ata që panë aksidentin kanë lajmëruar ambulancën ku është konstatuar dhe vdekja e futbollistit i cili ishte i vetëm në makinë.
Policia ka nisur hetimet për zbardhjen e rrethanave të aksidentit.
Ahmet Çalik ishte një nga drejtuesit kryesorë të Konyasporit dhe bashkëlojtar i Ahmed Hassanit, i cili është i huazuar te skuadra turke nga Olimpiacos.
Çalik ka luajtur në tetë ndeshje me kombëtaren turke.