Pritje e mrekullueshme, ja çfarë tregoi Bora për 30-vjetorin në 'Për’puthen'
Prezantuesja Bora Zemani, mbushi 30 vjeç ditën e djeshme dhe nuk kanë munguar urimet nga persona publikë ose jo për të.
Sigurisht, siç e quan dhe ajo “familja” e saj “Për’puthen” e priti atë me brohoritje dhe pak pas fillimit të programit, konkurrentja Ana Lleshi u çua në këmbë për t’i dhuruar lule , të cilat i kishte përgatitur vetë me detaje, bashkë me konkurrenten tjetër Florjanën, të cilën e thërrasin gjithashtu Ana.
“Ke 2 vite që je pjesë e jetës time”, – i tha Ana Borës, e cila u ndje shumë e vlerësuar dhe u shpreh se ia vlen t’i ndajë këto momente me ta.
“E rëndësishme është që ky 30 vjetor më gjeti shumë të plotësuar. E mbushur me shumë dashuri, e mbushur me njerëz që i dua dhe më duan shumë, patjetër që kam edhe një punë, të cilën e shijoj pafund.”,- tha ajo.
Nga konkurrentët ai që i bëri surprizë Borës është edhe Mevlani, i cili i dhuroi një buqetë të bukur prezantueses.
Videon e ka ndarë vetë Bora në Instagram Story duke e falenderuar dhe duke e ‘ngacmuar’ me të qeshura.
Ajo gjithashtu shpërndau video se si ia kishin zbukuruar ditën në studio me tortën dhe me lule.