Rezultoi pozitiv me Covid, postimi ironizues i Balotellit bën xhiron në rrjet

COVID-i është rikthyer në futboll dhe skuadrat po raportojnë raste të reja. Këtij fluksi nuk mund t’i shpëtonte as Mario Balotelli.

“SuperMario” rezultoi pozitiv dhe është në izolim prej pak ditësh. Lojtari po e bën karantinën në Itali dhe përsëri gjen një mënyrë për të bërë bujë. Sulmuesi ka postuar një video në Instagram ku ironizon autoritetet shëndetësore.

“Personi përgjegjës duke parë analizat e mia mjekësore”.

Aty duket një person duke rrotulluar goglat dhe 31 vjeçari e ka përdorur për të ironizuar mbi situatën e virusit në Itali.