VIDEO+EMRI/ I dënuar në Itali, i riu arrestohet në shtëpinë e tij

Ishte i dënuar me 7 vite burg në Itali dhe për këtë shkak ishte shpallur në kërkim ndërkombëtar.

Por Bledar Delia (Dushkaj) 37 vjeç vazhdonte jetën e tij në Shqipëri, saktësisht në Lezhë, ku edhe është arrestuar në shtëpinë e tij.

Lajmi është bërë i ditur nga policia, e cila bën të ditur se ka përfunduar me sukses operacionin e koduar ‘Sergate’, ku është prangosur 37-vjeçari Delia.

Bledar Delia (Dushkaj) është i dënuar në Itali me 7 vite burg për akuzat si ‘organizate kriminale’ dhe ‘Trafikim i lëndëve narkotike’.

Njoftimi i Policisë së Lezhës:

Finalizohet nga Policia e Lezhës, operacioni policor i koduar "Sergate", për kapjen e personave të shpallur në kërkim ndërkombëtar.

Vihet në pranga një shtetas shqiptar i shpallur në kërkim ndërkombëtar, i dënuar nga autoritetet italiane me 7 vite burgim, për vepren penale "Organizate kriminale" dhe " Trafikim i lëndëve narkotike".

Arrestimi provizor i tij u bë me qëllim ekstradimi drejt Italisë.

Komisariati ti Policisë Lezhë, në bashkëpunim me Seksionin për Hetimin e Narkotikëve dhe Trafiqeve në DVP Lezhë, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë bërë të mundur lokalizimin, kapjen dhe arrestimin provizor, me qëllim ekstradimin drejt Italisë, të shtetasit:

Bledar Delia (Dushkaj), 37 vjeç, banues në Balldre, Lezhë.

Ky shtetas ishte shpallur ne kërkim ndërkombëtar, pasi Gjykata e Milanos/ Itali e ka dënuar me 7 vite burg për veprën penale "Organizatë kriminale " dhe "Trafikim i lëndëve narkotike" parashikuar nga Kodi Penal italian.

Gjithashtu, gjatë kontrollit të ushtruar në banesën e këtij shtetasi, shërbimet e Policisë gjetën dhe sekuestruan fishekë luftarak, si dhe 2 radio marrëse-dhënëse si ato të Policisë.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.