Ndahet nga jeta në moshën 17 vjeçare djali i këngëtares së njohur
Djali 17-vjeçar i Sinead O'Connor vdiq dy ditë pasi u raportua për zhdukjen e tij dhe këngëtarja pretendon se ishte një vetëvrasje.
Megjithatë, policia nuk ka gjetur shkakun e vdekjes.
O'Connor e ndau lajmin në rrjetet sociale, duke shkruar se djali i saj "vendosi t'i jepte fund luftës së tij tokësore" dhe kërkoi që "askush të mos e ndjekë shembullin e tij".
Në orët e para të mëngjesit të së shtunës këngëtarja ka shkruar: “Djali im i bukur, Nevi'im Nesta Ali Shane O'Connor, vetëm drita e jetës sime, ka vendosur t'i japë fund luftës së tij tokësore sot dhe tani është me Zotin. Pusho në paqe dhe askush të mos e ndjekë shembullin e tij. Fëmija ime. Të dua shumë. Ji i qetë të lutem."
Policia ka konfirmuar të shtunën lajmin për vdekjen e adoleshentit.
Shane O'Connor është zhdukur nga Newbridge, Kildare County, dhe është parë për herë të fundit të premten në mëngjes në Tallaght, zona 24 e Dublinit.
Në një deklaratë të lëshuar të premten, oficerët thanë se ishin të shqetësuar për mirëqenien e tij.
Më pas këngëtarja ka postuar në rrjetet sociale duke i kërkuar të birit të kontaktojë me të."Shane, jeta jote është e çmuar. Zoti nuk e ka gdhendur më kot atë buzëqeshje të bukur në fytyrën tënde të bukur", ka shkruar ajo në Twitter.
Më pas policia konfirmoi se kërkimet për 17-vjeçarin kishin përfunduar.
“Pas marrjes së trupit në zonën Bray të Wicklow të premten, 7 janar 2022, raporti i personit të zhdukur 17-vjeçar në lidhje me Shane O’Connor është tërhequr”, tha zëdhënësi Irish Mirror.
— Sinead The 1 And Only (@OhSineady) January 8, 2022