Të shtëna me armë zjarri në Vlorë, qëllohet një person
Të shtëna me armë zjarri në Vlorë dhe për pasojë një person ka mbetur i plagosur.
Ngjarja ka ndodhur në lagjen 'Pavarësia' të qytetit bregdetar.
I plagosuri është Diego Hanaj, 36 vjeç.
Mësohet se 36-vjeçari ka marrë një plumb në dorë dhe ndodhet jashtë rrezikut për jetën në spital.
Autori i të shtënave është larguar menjëherë pas ngjarjes, ndërkohë që policia ka rrethuar zonën.
SYRI sjell pamje nga vendi i ngjarjes.
Njoftimi i policisë
Vlorë/Informacion paraprak
Në lagjen "Pavarësia", para pallatit te tij, dyshohet se është plagosur në dorë, me armë zjarri shtetasi D. H, 36 vjeç, i cili ndodhet jashtë rrezikut për jetën në Spitalin e Vlorës.
Shërbimet e Policisë po krehin zonën për të bëre të mundur kapjen e autorit. Ndërkohe grupi hetimor ndodhet në vendngjarje dhe po punon per sqarimin e rrethanave të ngjarjes.