FOTO/ Një rreze dielli hyn në zgafellën e 5 fëmijëve Veshaj në Vlorë, në terrin e urisë
Falë kronikës së transmetuar në Syri Televizion, për familjen Veshaj që jeton në kushte të mjerueshme në ish-godinën e Shtëpisë së Oficerëve , ka lindur pak shpresë për ta këto ditë. Lexo: Këta janë fëmijët e Lulzimit dhe këto fytyra të vogla quhen Uri, Skamje, Mjerim, Përbuzje dhe Terr!
Qytetarët e Tiranës janë prekur nga kushtet tek ata jetojnë dhe kanë shprehur dëshirën për të ndihmuar sadopak familjen Veshaj që të kalojë natën e Vitit te Ri me ushqime si të gjithë shqiptarët.
Rezarti, një djalë me origjinë nga Tropoja, pasi ka parë lajmin për familjen e Lulzim Veshajt, menjëherë ka qënë i gatshëm për të ndihmuar sado pak. Ai është nisur nga Tiranë drejt Vlorës bashkë me bashkëshorten e tij dhe dy fëmijët e vegjël për të parë nga afër kushtet e familjes Veshaj.
Kur ka mbërritur ai është futur brenda godinës së rrënuar, në dhomën ku jeton familja dhe pasi trokiti në derën e tyre u prek tek pa 5 fëmijë të vegjël që jetonin në errësirë. Çdo gjë dukej si në Mesjetë, një qiri qëndronte mbi tavolinë për t’i dhënë pak dritë asaj dhome të ftohtë ku brenda jetojnë 5 ëngjëj të braktisur nga bashkia e Vlorës dhe institucionet shtetërore.
Rezarti menjëherë u ka kërkuar që të kalojnë një natë në hotel, që të flenë ngrohtë e të kenë ushqim. Të pestë fëmijët e vegjël me mamanë e tyre dhe gjyshen janë akomoduar në një hotel në qytetin e Vlorës të paguar nga Rezarti.
Sapo ata shkuan në hotel, lumturia për 5 fëmijët e vegjël ishte edhe më e madhe për ta dhe për nënën dhe gjyshen, pasi Rezarti kishte rezervuar disa dhurata dhe veshje për 5 të vegjlit dhe ushqime që ata t’i kenë për natën e Viti të Ri. Të paktën ta gëzojnë atë si të gjithë.
Në ndihmë të familjesVeshaj, që u interesua për ta ishte dhe avokatja Adriana Kalaja nga Tirana, që donte të kontribonte për atë familje, shume e prekur për situatën ku ata ndodhen. Znj. Kalaja u dhuroi një shume simbolike prej 3000 mijë lekësh. Në momentin që stafi i Syri Televizon i çon zarfin familjes, derën e hap gjyshja e gëzuar dhe shumë e emocionuar në momentin që merr zarfin. Ata ndien që ende ka shpresë për ta dhe avokatja e nderuar u shpreh se do ta ndihmojë dhe në vazhdimësi familjen e Lulzim Veshajt.