Ndahen çmimet e vitit/ Dejvi Bregu fiton ‘Topin e Artë’ për meshkuj, Megi Doçi për femra

Në eventin e organizuar nga FSHF në bashkëpunim me RTSH, u ndanë edhe vlerësimet për vitin 2021.

Për “Topin e Artë” votuan gazetarët sportivë në Shqipëri dhe çmimin e fitoi ish-futbollisti i Teutës që aktualisht luan te Boluspor, Dejvi Bregu.

Edicionin që shkoi ai fitoi “Këpucën e Artë” dhe titullin kampion me Teutën duke shënuar 16 gola në kampionat.

Në ceremoninë e drejtuar nga moderatorja Hygerta Sako, çmimin si “Topi i Artë” për femra u fitua nga Megi Doçi, ndërsa si “Talent i Vitit” çmimi iu dorëzua futbollistit të Tiranës, Marsel Ismajlgecit.

Në formacionin e vitit janë përzgjedhur: Bekaj, Gurishta, Adili, Belica, Hoxhallari, Lushkja, Aleksi, Asani, Bregu dhe Ibraimi.

Ndërsa trajner i vitit është shpallur tekniku i Vllaznisë, Thomas Brdariç.

Çmimet e vitit 2021:

Top i Artë (Meshkuj): Dejvi Bregu

Top i Artë (Femra) : Megi Doçi

Talent i vitit: Marsel Ismajlgeci

Formacioni i vitit: Bekaj, Gurishta, Adili, Belica, Hoxhallari, Shehu, Lushkja, Aleksi, Asani, Bregu, Ibraimi.

Trajneri i vitit: Thomas Brdariç.