Turqia bëhet vendi i 9 që prodhon vaksinën anti-Covid, ja zotimi i presidentit Erdogan
Turqia bëhet vendi i 9-të në botë që prodhon një vaksinë anti-Covid. Presidenti Erdogan përshëndeti miratimin e vaksinës duke u premtuar se së shpejti do t’i shpërndajë dozat për njerëzimin.
Ministri i Shëndetësisë në Turqi, Fahrettin Koca deklaroi se vaksina vendase Turkovac ka marrë miratimin për përdorimin urgjent të saj kundër koronavirusit.
Kujtojmë që muajin e kaluar kërkesa iu dërgua Agjencisë Turke të Medikamenteve dhe Pajisjeve Mjekësore për vaksinën e zhvilluar në vend të COVID-19 Turkovac.
Koca e konsideroi këtë një lajm shumë të mirë dhe deklaroi se vaksina do të përdoret dhe shpërndahet masivisht duke filluar nga java e ardhshme.