COVID-Itali/ Pas rasteve pozitive të konfirmuara, ekipi i Serisë A anullon ndeshjen e sotme

Klubi Salernitana i Serisë A pas konstatimit të rasteve pozitive brenda grupit të skuadrës nuk do të niset për në Udine ku duhej të luante sot në orën 18:30.

Këtë e ka bërë vetë klubi të ditur në orët e vona të mbrëmjes. 

"US Salernitana 1919, pas rasteve pozitive me COVID-19 të konstatuara në grupin e ekipit - thuhet në njoftim - merr parasysh dispozitat e Salerno ASL që kërkon pezullimin e aktivitetit të ekipit dhe ndalon pjesëmarrjen e tij në ngjarje sportive".