Policia e Tiranës shënjestron demokratët, nis ndëshkimi i protestuesve

Policia e Tiranës ka nisur procedimet e para pas protestës së opozitës në Bulevardin 'Dëshmorët e Kombit', përpara Kryeministrisë.

Burime pranë policisë së kryeqytetit bëjnë me dije se disa persona pritet të shoqërohen në komisariat për veprimin e djegies së flamujve të Serbisë në Bulevardin 'Dëshmorët e Kombit'.

Policia bën te ditur se po vëzhgon pamjet filmike të regjistruara nga media por edhe kamerat e sigurisë në Bulevard apo agjentët në terren, për të identifikuar autorët.

Siç janë transmetuar edhe në pamjet që kanë qarkulluar nga protesta, shumica e personave që kanë bërë veprime të tilla janë adoleshentë dhe të mitur.

Menjëherë pas përfundimit të protestës, policia ka inspektuar vendet ku janë djegur flamujt ku janë mbledhur edhe materialet hetimore.