Kujdes! SHMU paralajmëron ngrica të enjten në të gjithë vendin

Shërbimi Meteorologjik Ushtarak paralajmëroi sot se ditën e enjte në vend do të vijojë ndikimi i masave ajrore të ftohta, të cilat do të sjellin ngrica në akset rrugore në pjesën më të madhe të vendit gjatë mëngjesit.

Moti parashikohet i kthjellët dhe në relievet malore parashikohen vranësira kalimtare hera-herës deri të dendura.

Në zonën e Alpeve pritet borë e dobët. Era do të fryjë me drejtim verilindje-veri me shpejtësi mesatare e përgjatë bregdetit përkohësisht e vrullshme duke u pasuar nga valëzim në dete të forcës 2 dhe 3 ballë.

Temperaturat parashikohen: në zona malore -5 deri 5°C në zona e ulëta -2 deri 14°C në zona bregdetare 1 deri 15°C