Rama zbardh takimin me Escobar: Biden mbështet 'Balkanin e Hapur'

Pas takimit të Edi Ramës, me Zëvendës Ndihmës Sekretarin e Shtetit të SHBA për Çështjet Europiane dhe Euroaziatike Gabriel Escobar, kryeministri reaguar duke treguar detaje.

Nëpërmjet një postimi në Facebook, Rama ka bërë me dije se ka diskutuar me Gabriel Eskobar për rolin e rëndësishëm të Shqipërisë në rajon, dialogun e domosdoshëm mes Kosovës e Serbisë dhe Ballkanin e Hapur, nisëm e cila mbështetet edhe nga presidenti amerikan Joe Biden.

Postimi i plotë i Edi Ramës:

Kryeministria – Kënaqësi të mikprisja Zëvendës Ndihmës Sekretarin e Shtetit dhe të Dërguarin e Posaçëm për Ballkanin Perëndimor, Gabriel Escobar, në një takim shumë miqësor, ku folëm për partneritetin e shkëlqyer mes Shqipërisë e SHBA, rolin e rëndësishëm të Shqipërisë në rajon, dialogun e domosdoshëm mes Kosovës e Serbisë dhe Ballkanin e Hapur, si një nisëm transformuese për ardhmërinë e rajonit, të cilën administrata e Presidentit Joe Biden e mbështet fuqimisht.