EMRI/ Rrëzohet nga 6 metra lartësi, vdes shqiptari! Dyshimet e para
Është deklaruar vdekja cerebrale e Dritan Balliut, 38 vjeç, njëri nga dy shqiptarët që u rrëzuan në rrethana ende të panjohura nga një kapanon në Itali.
Të dy u lanë të premten në mëngjes para urgjencës në një spital në Firence nga një makinë, që më pas u largua.
Sipas hetimeve, të dy po përpiqeshin të hynin në depon e një firme prodhimesh lëkure dhe janë rrëzuar nga një lartësi e pakta gjashtë metra. Në rastin e Balliut, dëmtimet kanë rezultuar vdekjeprurëse. Shqiptari tjetër nuk është në rrezik për jetën.
Hetimet për tentativën e vjedhjes po kryhen nga karabinierët që po punojnë për identifikimin e dy bashkëpunëtorëve, që duhet të jenë personat që çuan dy të plagosurit në spital.
Prania e tyre në vendngjarje konfirmohet edhe nga gjurmët e ADN-së të marra nga gjaku i gjetur pranë kapanonit.