Niset drejt Italisë me kartë identiteti false, arrestohet 39-vjeçari në Muriqan

Policia kufitare e Muriqanit ka arrestuar një 39-vjeçar.

Blutë bëjnë me dije se u në arrestimi i shtetasit P. B., 39 vjeç, nga Kosova.

Ky shtetas është kapur nga shërbimet e Policisë Kufitare në PKK Muriqan në dalje të Republikës së Shqipërisë pasi ka tentuar të udhëtojë në drejtim të Italisë, me kartë identiteti italiane të falsifikuar.

Ja njoftimi i plotë i policisë:

Shkodër

Vihen në pranga 2 shtetas, 1 prej tyre i shpallur në kërkim.

Nga Seksioni për Hetimin e Krimit Ekonomiko-Financiar në DVP Shkodër u bë arrestimi në flagrancë i shtetasit P. B., 39 vjeç, nga  Kosova.

Ky shtetas është kapur nga shërbimet e Policisë Kufitare në PKK Muriqan në dalje të Republikës së Shqipërisë pasi ka tentuar të udhëtojë në drejtim të Italisë, me kartë identiteti italiane të falsifikuar .

----

Nga Seksioni i Hetimit të krimit të Komisariatit të Policisë Shkodër u bë ndalimi i shtetasit në kërkim F. P., 31 vjeç banues në  Bardhaj, Shkodër,

Këtij shtetasi Gjykata e Apelit Shkodër, me vendim nr. 345, datë 30.11.2021, ka vendosur ndryshim e masës së sigurimit personal nga “Arrest në shtëpi“ në “Arrest në burg” për veprën penale “Dhuna në familje”.

Materialet procedurale i kaluan Prokurorisë pranë Gjykatës së Shkallës së Parë Shkodër, për veprime të mëtejshme.