Ristani për Zhejin: Ti merr zarfa për qëndrimet e tua
Teksa flisnin për debatin mes Sali Berishës dhe Lulzim Bashës, analisti Artur Zheji dhe ish-deputeti i PD, Arben Ristani kanë hedhur akuza ndaj njëri-tjetrit.
Të ftuar në ‘Opinion’, Ristani ka akuzuar se Zheji ka marrë “zarfe” për të mbrojtur Bashën, ndërsa e menjëhershme ka qenë përgjigjia e analistit, i cili e cilësoi si person të alkoolizuar.
Ristani: Ti nuk mund të bësh provokime të tilla sepse dhe ti ke përfitime për pozicionin që mban, takohesh merr ca zarfe diku.
Zheji: Ti je i paturpshëm, se unë të kam parë ty tapë shumë herë kur negocioje dhe nuk mbaje presionin për të bërë atë që bën.
Ristani: Mos fol budallallëqe.
Zheji: Ti je keq, ke probleme dhe mbaji.
Ristani: Mos merr zarfe poshtë e lart dhe provokime të tilla mos bëj.
Zheji: Modero alkoolin se të dëmton neuronet. Nuk të fola asgjë nën brez.
Ristani: Unë jam burrë e bëj jetën time, por është e ulët të marrësh zarfa.
Zheji: Modero alkoolin, zarfet i merr ti.
Ristanin: Ti e nise.
Zheji: Të fola për Fushenë.
Ristanin: Fushenë e hapa unë.
Zheji: Tërhiqe atë që the.