Këngëtarja e njohur bëhet nënë për herë të parë
Pritjes së ëmbël i erdhi fundi dhe këngëtarja e njohur Gresa Behluli është bërë nënë për herë të parë!
Lajmin e bëri të ditur Hajrush Behluli, babai i këngëtares nëpërmjet një postimi në faqen e tij të “Facebook”.
“Lindi Dielli dhe na solli shkëlqim dhe gëzim të veçantë në zemrat tona.
Gersa dhe Luli u bënë prindër, ndërsa unë dhe Shkurta gjyshër. Po ashtu edhe Arbëri u bë Dajë dhe Besiana dhe Angnesa teze. Pra, Dielli djali i Gresës na e ndërroj statusin dhe ne me shumë dashuri i urojmë jetë të gjatë e të lumtur me shumë fat.
Zoti e bekoftë Diell Ibrahimin.
Zoti I bekoftë të gjithë fëmijët e Botës që i sjellin gëzime njerëzimit.
HSH”, shkruan ai në këtë postim, ku na zbuloi edhe emrin e bebushit, Diell.
Së fundmi, edhe Gresa publikoi në profilin e saj në “Instagram”, një foto ku shihet buqeta me lule që të afërmit i kanë dhuruar dhe tullumbace që kanë mbishkrimin “boy”, djalë.
“11.11.2021”, shkruan Gresa, e cila na la të kuptonim se djali ka ardhur në jetë 3 ditë më parë.