VIDEO/ Fermerët përplasen me policinë në Lushnje, ja kërkesat e tyre
Fermerët e Lushnjës të cilët janë mbledhur për të protestuar te rrethrrotullimi i Plugut, në hyrje të qytetit, janë përplasur me forcat e policisë.
Ata janë ulur këmbëkryq në rrugën kryesore, duke e bllokuar atë dhe duke paralizuar qarkullimin e mjeteve që shkojnë në drejtim të jugut të vendit.
Kjo ka sjellë edhe ndërhyrjen e policisë.
Përplasja mes tyre zgjati për disa minuta, dhe më pas rruga u lirua.
Fermerët janë ta pajisur me pankarta ku tregojnë qartë kërkesat e tyre dhe arsyet e kësaj proteste.
‘Subvencionim direkt i fermerit për njësi të prodhimit dhe 10 lekë për kg.
-Instrument për formalizim.
-Instrument zhvillimi jo përkrahje sociale.
-Lufton korrupsionin dhe burokracinë
-Stimulon suksesin, lufton parazitizmin
-Garanton efektshmëri të shpenzimit
-Zero kosto implemtimi’, shkruhet në një nga pankartat që fermerët mbajnë në duar.