Me videon emocionuese, Alban Ramosaj u përgjigjet ‘kritikave’ të ndjekësve për Beatrix
Këtë edicion të “Big Brother VIP Albania” kemi parë shumë loooot. Beatrix Ramosaj edhe pse ka pak ditë brenda shtëpisë, shpesh përlotet pasi shprehet se e ka marrë malli për nënën, vëllain dhe qenin e saj. Natyra e saj e ndjeshme nuk ka marrë edhe shumë komente pozitive në rrjetet sociale ku persona të ndryshëm e kanë kritikuar duke thënë se është shumë herët për të qarë dhe duke e akuzuar në këtë mënyrë se po e bën për lojë.
Këtyre zërave i është përgjigjur ditën e sotme Albani.
Ai ka postuar një video në ‘Instagram’ ku shihet me Beatrix pak minuta para se ajo t’i bashkohej reality-show.
Edhe në video ajo shihet e përlotur dhe shprehet se do e marrë malli duke treguar se është e ndjeshme dhe e lidhur me familjen, dhe se nuk e bën për lojë.
Kjo konfirmohet edhe nga Albani që shkruan se familja e tyre e vogël ka marrëdhënie shumë të ngushtë dhe se kanë kaluar shumë gjëra të vështira që nuk i di askush.
“Më mungon shumë.. Kam vënë re që njerëzit thonë se është “shumë shpejt” që ti të qash se të mungon mami, unë dhe Bella, por sikur ta dinin sa e afërt është familja jonë e vogël dhe si u rritëm në vështirësi të paimagjinueshme që askush nuk i di, na mësuan të duam dhe të jemi pranë njëri-tjetrit në çdo hap të jetës, ata do të kuptojnë lotët e tu të ëmbël dhe shpirtin e bukur që ke.
Zot, jam shumë krenar për personin që je.. bukuria e brendshme që nxjerr është vërtet e pakrahasueshme me këdo që kam njohur dhe parë. Je një shembull se si duhet të jetë një ZONJË.
Virtytet e tua, atributet e karakterit dhe madje edhe toni i zërit.. je një engjëll i dërguar në tokë.
Ti po më bën kaq krenar çdo ditë dhe do të doja që të mund t’i thosha të gjitha këto fjalë dhe do të doja të të bëja një përqafim të ngrohtë.
Të dua aq shumë sa nuk mund ta përshkruaj me fjalë”.