‘Pas sherrit me Hysenin, Alvisa ka një kërkesë publike për Bashkimin

Në puntatën e fundit të “Përputhen Prime” ndodhën një sërë ngjarjesh të njëpasnjëshme me në qendër Hysenin dhe Alvisën.

Ky i fundit ka treguar se gjatë programit ai është lidhur sërish me të, por ajo  eka tradhëtuar me Bashkimin.

Prova ishin disa nga videot që Hysenit i kanë dërguar në rrjete sociale, ku shfaqeshin Alvisa dhe Bashkimi në shtëpinë e tij.

Alvisa nga ana tjetër mohoi gjithë akuzat e tij, duke thënë se i ka dhënë ‘shpresa’ Hysenit pasi është ndjerë e kërcënuar dhe e përndjekur.

Hyseni gjithashtu tregoi regjistrime, foto e video ku Alvisa i thoshte se po bën lojë me djemtë aty dhe se do rikthehet me të.

Ai tha se edhe puntatën e Prime kur erdhi, e cila xhirohet më përpara, e panë bashkë në shtëpinë e tij të Shtunën.

“Kjo bisedë është bërë 5 minuta para se unë të futesha në Prime. Vet me gojën e saj thotë që ka gënjyer produksioni jo unë. Nëse e ke bërë ti moj Olsa Muhameti, do mbash vërtetë përgjegjësi, që ça nuk keni sajuar aty për të marrë klikime e vëmendje. Sa të pafytyr paskeni qenë. Gënjeni për lloj lloj gjërash që të dilni mirë në publik. Përdorët gurin e fundit se e dini që publiku mbështet personat që dhunohen, por në jetën time nuk njihet fjala dhunë dhe nuk e kam bërë kurrsesi atë veprim. Pse këtu e pranon që të paskam kërkuar më parë të lije emisionin dhe të paguaja gjobën, aty në Prime thoje jo. Të vij turp moj vajzë as vetë nuk di për çfarë po gënjen më.”

Pas të gjitha gjërave që ndodhën, Alvisa i ka kërkuar publikisht Bashkimit ta falë, teksa shprehet se e kupton situatën e vështirë në të cilën ndodhet ai.

Ajo ka treguar se Bashkimi është arsyeja e vetme pse ajo është rikthyer në emision, pasi kishte një pëlqim shumë të madh për të.

Nga ana tjetër, Alvisa shprehet se gjërat për publikun do të sqarohen me kalimin e kohës dhe e vërteta e kësaj historie do të mësohet.