Gjendet e gjallë 4-vjeçarja e zhdukur në Australi pas 18 ditësh
Një vajzë katërvjeçare e zhdukur prej 18 ditësh në një pjesë të largët të Australisë Perëndimore është gjetur e gjallë dhe mirë në një shtëpi të mbyllur, është shprehur policia australiane.
Cleo Smith u zhduk nga tenda e familjes së saj në një kamping pranë qytetit të Carnarvon më 16 tetor.
Një 36-vjeçar ndodhet në paraburgim dhe po merret në pyetje nga detektivët.
"Ata gjetën Cleo-n e vogël në një nga dhomat," tha në një deklaratë Zëvendës Komisioneri Kol Blanch nga Policia duke shtuar:
"Një nga oficerët e mori në krahë dhe e pyeti: "Si quhesh?" Ajo tha 'Emri im është Cleo'.
Vajza është ribashkuar me prindërit e saj, të cilët kishin bërë lutje të dëshpëruara për kthimin e Cleos.
“Familja jonë është sërish e plotë”, ka shkruar në Instagram nëna e saj, Ellie Smith.
Pamjet e policisë të shpëtimit të Cleos - të cilat nuk janë publikuar - e treguan atë "të buzëqeshur" dhe "ashtu siç mund të prisnim në rrethanat", tha komisioneri Chris Daëson, i cili shtoi se ajo po merrte kujdes mjekësor
Autoritetet thonë se njeriu në paraburgim nuk ka asnjë lidhje me familjen Smith.
Shtëpia ku u gjet Cleo është rreth gjashtë minuta me makinë nga shtëpia e saj në Carnarvon, e cila ka rreth 5,000 banorë.
Kryeministri australian Scott Morrison shkroi në Twitter se ishte "lajm i mrekullueshëm, lehtësues".
Çfarë dihet deri tani?
Familja e Cleos ishte në natën e parë të pushimeve të tyre në kampingun Quobba Blowholes kur ajo u zhduk midis orës 01:30 dhe 06:00 më 16 tetor.
Vendi i largët në Macleod është rreth 900 km (560 milje) në veri të Perthit dhe është një atraksion lokal në Bregun Koral të shtetit - i njohur për peizazhin e tij të oqeanit, shpellat detare dhe lagunat.
Cleo kishte fjetur në një dyshek me ajër pranë krevatit të motrës së saj më të vogël.
Kur nëna e saj, e cila kishte fjetur në dhomën e dytë të çadrës, u ngrit në mëngjes, Kleo ishte zhdukur dhe dera e tendës ishte e hapur.
Policia tha se kjo ngjalli frikën e një rrëmbimi.
Zonja Smith ishte e bindur se Cleo nuk mund ta kishte lënë tendën vetë.
Një grup pune prej 100 oficerësh u dërguan nga kryeqyteti i shtetit, Perth, për t'iu bashkuar një kërkimi masiv ajror, tokësor dhe detar.
Autoritetet ofruan një shpërblim prej 1 milion dollarë Australianë (750,000 dollarë) për informacion mbi vendndodhjen e Cleos.
Zëvendës komisioneri Blanch tha se ata kërkuan mijëra pjesë të informacionit duke kërkuar një "gjilpërë në një kashtë".
"Në fund të natës së kaluar ata gjetën atë gjilpërë që i çoi në atë adresë dhe e shpëtuan Cleo," i tha ai Network Seven.
Policia tha se kishte të dhëna për një makinë, por nuk dha detaje.
ABC News raportoi se një burrë që jetonte në shtëpi ishte parë së fundmi nga një fqinj duke blerë pelena.
Lajmi se Cleo është gjetur shkaktoi një ndjenjë lehtësimi të madh në komunitetin lokal.
"Për 18 ditë ne kemi qenë të mbushur me ankth dhe shqetësim," tha presidenti i Carnarvon Shire, Eddie Smith për radion 2GB të Australisë.