VIDEO virale/ Ariu hy në dasmë dhe ju bashkohet mysafirëve në tavolinë
Videoja nga TikTok, e cila regjistroi "ndërhyrjen" e ariut në dasmë dhe ngjitjen e tij në tavolinë ndërsa njerëzit po hanin të qetë, u bë virale.
Amerikania Angie Disa së fundi mori pjesë në dasmën e kushërirës së saj në Parkun Natyror Chipinque në Nuevo Leon, Meksikë, siç ka shpjeguar Disa në TikTok, ajo ka mbërritur të premten, ndërsa dasma ishte të shtunën, shkruan Business Insider.
“Meqenëse parku ndodhet në një mal, të ftuarit e dasmës ishin të vetëdijshëm se aty pranë kishte kafshë të egra”, tha Disa në të njëjtën video.
Të shtunën, një ari më i madh erdhi në dasmë ndërsa të ftuarit po darkonin, gjë që Disa e dokumentoi në një video në TikTok.
Videoja, e cila ka mbledhur më shumë se 1.7 milionë shikime, tregon një ari duke u ngjitur në një tavolinë dhe duke rrëzuar një pjesë qendrore ndërsa dëgjohen zhurma të forta.
Pastaj ariu zbret nga tavolina, duke rrëzuar një karrige dhe duke u endur pranë një grupi njerëzish të ulur në tryezën e tyre.
Siç shpjegoi Disa më poshtë, stafi u tha mysafirëve që të mos lëviznin nëse hasnin një ari ose ndonjë kafshë tjetër të egër.
Më pas ajo shtoi se stafi i objektit kishte përvojë me kafshët sepse ka shumë të tilla në zonë, ndaj dinin si ta largonin ariun.
@angiedisa He just wanted some food ? #smh #SaveIt4TheEndZone #MakeADogsDay #myfinALLYmoment #mexico #wedding #beartok #fyp
♬ original sound - Angie Disa