'Mos u afro se t'vraj'/ Fero dhe truproja e tij shpallen në kërkim nga policia, kërcënohet me armë producenti

Reperi kosovar, Feronit Shabani (Fero), bashkë me truprojën e tij dyshohet që kanë sulmuar sot në studion e tij producentin Jetmir Agaj.

Burime nga policia kanë deklaruar se në sulm është përdorur edhe një armë zjarri nga truproja e Feros, Bujar Ibishi.

Mësohet se pas konfrontimit mes Feros e Jetmir Afajt, truproja e Feros ia ka drejtuar armën nipit të Agajt duke i thënë “mos u afro se t’vras”.

Jetmir Agaj për momentin është duke u intervistuar në polici në cilësinë e të dëmtuarit, ndërsa Fero dhe Bujar Ibishi janë shpallur në kërkim nga policia.