Basha: Poshtë fitoret, rrofshin humbjet!

Duket se Lulzim Basha e ka bërë të rrugës që jo vetëm të kërkojë ndjesë për qeverisjet e shkuara të Partisë Demokratike, por edhe t’i sulmojë ato.

Edhe gjate fjalimit të sotëm në parlament, Basha sulmoi qeverisjet e PD, ndonëse ka qenë vetë pjese e tyre.

Ai akuzoi Berishën për gabimet në qeverisje, duke thënë se misioni i tij është që të mos përsëriten gabimet e vitit ’92, ’97 dhe 2009.

"Misioni im dhe partisë më të bukur është që mos përsëritim gabimet e 92’, as 97’, as 2009, dhe të mos bëjmë asnjë kompromis me asnjë parti qoftë kjo për zgjedhjen e presidentit apo zgjedhjen e një koalicioni," tha Basha.

Basha tha se kemi shumë për të mësuar nga 4 fitoret e PD-së në vitet 1992, 1996, 2005, 2009, por çuditërisht Basha nuk paska asgjë për të mësuar për 6 humbjet e njëpasnjëshme që opozita ka pësuar përballë Ramës gjatë kohës që ai ka qenë kryetar opozite.