Turpërohet Roma, Bodo/ Glimt luan tenis me skuadrën e Jose Mourinho-s
Në Norvegji çdo gjë është e zezë për Romën, dhe jo vetëm sepse në këto gjerësi gjeografike dita zgjat vetëm tetë orë në këtë kohë të vitit.
Ndeshja e futbollit mes Bodo/ Glimt dhe Romës u kthye në një sport krejt tjetër. Skuadra norvegjeze triumfoi me rezultatin e thellë 6-1 ndaj verdhekuqëve, në ndeshjen e raundit të tretë në Ligën e Konferencës.
Edhe pse skuadra e Jose Mourinhos performoi në një ekip të kombinuar, pakkush mund ta priste diçka të tillë, apo edhe një humbje minimale.
Që në fillim të ndeshjes u krijua përshtypja se Roma do ta kishte të vështirë, pasi në minutën e 8-të Botheim kaloi vendasit në epërsi, ndërsa në minutën e 20-të Berg dyfishoi avantazhin. Vetëm tetë minuta më vonë Perez ngushtoi shifrat në 2:1 dhe ky ishte rezultati i pjesës së parë.
Më pas skuadra e Moirinhos u dorëzua totalisht, duke pësuar një nga humbjet më të rënda në histori.
Në minutën e 52-të Botheim çoi shifrat në 3:1, teksa Bodo Glimit shënoi edhe tre gola të tjerë me anë të Solbaken në të 71-ën, Pellegrino në të 78-ën dhe Botheim në minutën e 80-të për rezultatin final të pabesueshëm 6:1.
Ndërkoh, Tottenham rrezikon shumë, pasi u mposht minimalisht në fushën e Vitesses me golin e Wittek.
Conference League (18:45)
Bodo Glimt – Roma 6-1
Vitesse – Tottenham 1-0
HJK – Maccabi Tel Aviv 0-5
Alashkert – LASK 0-3
Anorthosis – Flora 2-2
FC Copenhagen – PAOK 1-2
Feyenoord – Union Berlin 3-1
Maccabi Haifa – Slavia Prague 1-0
Mura – Rennes 1-2
Qarabag – K. Almaty 2-1